FAB Şirkətlər Qrupunda "Avropa Azərbaycan Məktəbi Təhsil Kompleksi" MMC-nin nəzdindəki Yay məktəbi şagirdləri üçün təşkil edilmiş ekskursiya həftəsi davam edir.

Proqrama əsasən 18.07.2024-cü il tarixində Yay məktəbi şagirdlərindən ibarət üçüncü qrup FAB Şirkətlər Qrupunda olub. Şagirdlər şirkətimizin istehsal müəssisələri və FAB Akademiyasının keyfiyyətə nəzarət laboratoriyalarında görülən işlərlə tanış oldular. Məhsulların hazırlanma prosesini izlədilər. Boya emalatxanasında rəng çeşidliliyi sınağını icra etdilər. Sonda ekskursiya iştirakçılarına şirkətimiz adından simvolik hədiyyələr təqdim edildi. Xatirə şəkli çəkdirildi.