23.07.2024-cü il tarixində "Avropa Azərbaycan Məktəbi Təhsil Kompleksi" MMC-nin nəzdindəki Yay məktəbi şagirdlərindən ibarət sonuncu qrup FAB Şirkətlər Qrupunda olub. İştirakçılar şirkətimizin istehsal sahələrini gəzdilər. Məhsulların hazırlanma prosesini izlədilər. FAB Akademiyasının keyfiyyətə nəzarət laboratoriyalarında görülən işlərlə tanış oldular. Şagirdlər FAB Akademiyasının birinci korpusunda qurulmuş Boya emalatxanasında rəng çeşidliliyi sınağını icra etdilər. Sonda ekskursiya iştirakçılarına şirkətimiz adından simvolik hədiyyələr təqdim edildi. Xatirə şəkli çəkdirildi.Bununla da "Avropa Azərbaycan Məktəbi Təhsil Kompleksi" MMC-nin nəzdindəki Yay məktəbi şagirdləri üçün şirkətimizin təşkil etdiyi ekskursiya həftəsi başa çatdı.