06.12.2023-cü il tarixində Bakı şəhəri, Səbail rayonu, 236№-li tam orta məktəbin 9-cu sinif şagirdləri məktəbin tədris köməkçisi Gülnarə Abbasova və riyaziyyat müəllimi Meleykə Quliyevanın rəhbərliyi altında “FAB Boya və Kimya Sənayesi” MMC-də ekskursiyada oldular. Gəzinti zamanı məktəblilər şirkətimizin nəzdindəki fabriklərlə tanış edildilər. Ekskursiya iştirakçılarına məhsul çeşidləri, istehsal prosesində tətbiq edilən müasir texnologiya və avadanlıqlar, keyfiyyətə nəzarət laboratoriyalarında görülən işlərlə bağlı ətraflı məlumatlar verildi. Suallar cavablandırıldı. Daha sonra şagirdlər FAB Akademiyasının boya məhsullarının keyfiyyətə nəzarət laboratoriyasında rəng çeşidlərinin hazırlanması üzrə sınaq təcrübəsi apardılar. Ekskursiya iştirakçıları göstərilən diqqətə görə şirkətimizə təşəkkürlərini bildirdilər. Sonda FAB Boya və Kimya Sənayesi” MMC adından məktəblilərə hədiyyələr təqdim edildi, xatirə şəkli çəkdirildi.