FABDA BİR GÜN layihəsi çərçivəsində növbəti ekskursiya Bakı şəhəri, Binəqədi rayonu 300 nömrəli tam orta məktəb in şagirdləri üçün təşkil edildi. 18.12.2023-cü il tarixində məktəbin 5-ci sinif şagirdləri sinif rəhbəri Zenfira Babayevanın rəhbərliyi altında istehsal sahələrimizdə oldular. Şagirdlərə məhsulların hazırlanma prosesi, laboratoriyalarda aparılan təcrübələr, FAB Şirkətlər Qrupunun fəaliyyəti haqqında məlumatlar verildi. Məktəblilər FAB Boya emalatxanasında rəngli boya hazırlama təcrübəsi etdilər. Sonda iştirakçılara şirkətimiz adından simvolik hədiyyələr təqdim edildi. Xatirə şəkli çəkdirildi. Ekskursiya xoş əhvali-ruhiyyədə başa çatdı.