08.12.2023-cü il tarixində Bakı Ali Neft Məktəbinin bir qrup tələbəsi şirkətimizin qonağı oldu. Tələbələr FAB Boya və Kimya Sənayesi MMC-nin istehsal müəssisələrində məhsulların hazırlanma prosesini, FAB Akademiyasının laboratoriyalarında həyata keçirilən sınaq və təcrübələri yaxından izlədilər. Onlara istehsal prosesində tətbiq edilən müasir texnologiya və avadanlıqlar, məhsul çeşidləri haqqında ətraflı məlumatlar verildi. Suallar cavablandırıldı.

Daha sonra FAB Akademiyasının konfrans zalında şirkətimizin fəaliyyətindən danışan videomaterial nümayiş olundu. Tələbələrə simvolik hədiyyələr təqdim edildi, xatirə şəkli çəkdirildi.