28.05.2025-ci il tarixində 1 İyun – Uşaqların Beynəlxalq Müdafiəsi Günü münasibətilə FAB Şirkətlər Qrupunun bir qrup ofis əməkdaşının övladları üçün xüsusi ekskursiya təşkil olundu. Uşaqlar əvvəlcə şirkətimizin müxtəlif istehsal müəssisələrini ziyarət edərək məhsulların necə hazırlandığını izlədilər. Bu maraqlı və maarifləndirici səfər uşaqlarda həm sənaye proseslərinə, həm də valideynlərinin iş mühitinə böyük maraq oyatdı.

Ekskursiyanın ikinci mərhələsi FAB Akademiyasının konfrans zalında əyləncəli proqramla davam etdi. İnteraktiv oyunlar, hədiyyələr, şən musiqilər və sürprizlərlə dolu tədbir azyaşlı qonaqlarımızın sevincinə səbəb oldu. Daha sonra uşaqlar nahar süfrəsi arxasında bir araya gəldilər. Bu gəzinti uşaqlara sevinc bəxş etməklə yanaşı, onların gələcəyimizdəki yerini və dəyərini bir daha vurğuladı.

FAB Şirkətlər Qrupu olaraq inanırıq ki, uşaqların xoşbəxtliyi və rifahı sağlam və davamlı cəmiyyətin təməl daşı, gələcəyin ən dəyərli sərmayəsidir.