25 aprel 2025-ci il tarixində FAB İdman Arenasında yeddinci daxili FAB Futbol Çempionatının növbəti oyunları keçirildi. Qarşılaşmalar maraqlı anlarla yadda qaldı. Günün ilk oyunu “OMİD Arena” və “Ofis” komandaları arasında baş tutdu. Hər iki komanda son dəqiqəyə qədər qələbə uğrunda mübarizə aparsa da, qalib müəyyənləşmədi. Oyun 2:2 hesabı ilə başa çatdı.

Günün ikinci matçı isə “OMİD Dərnəgül” və “Anbar” komandaları arasında oldu. Əzmkar çıxışı ilə yadda qalan “OMİD Dərnəgül” rəqibi üzərində 2:1 hesablı qələbə qazanaraq çempionatda iddialı olduğunu göstərdi.

Turnirdə rəqabət günü-gündən artır.

VII FAB Futbol Çempionatı futbolsevərlərə maraqlı anlar vəd edir. Bizi izləməyə davam edin.